काठमाडौं । पछिल्लो समय सुनको भाउ निरन्तर उकालो लागेको छ । मंगलबार सुनको भाउ नयाँ कीर्तिमानी बिन्दुमा पुगेको नेपाल सुनचाँदी व्यवसायी महासंघले जनाएको छ ।
महासंघका अनुसार, अघिल्लो दिनकै तुलनामा आज सुनको भाउ १ हजार ८०० रुपैयाँ बढेको हो ।
भाउ बढेसँगै सुन प्रतितोला १ लाख ७९ हजार ७०० रुपैयाँ कायम भएको छ । अघिल्लो दिन छापावाल सुनको मूल्य १ लाख ७७ हजार ९०० रुपैयाँमा कारोबार भएको थियो ।
यस्तै, आज चाँदीको भाउ भने स्थिर रहेको छ । अघिल्लो दिन तोलामा २ हजार ३५ रुपैयाँ कायम भएको चाँदीको आज पनि सोही मूल्यमा कारोबार भएको हो ।
प्रतिकृया दिनुहोस्
