हेटौंडा । अखिल (समाजवादी) मकवानपुरका पदाधिकारीहरूको पहिलो बैठक सम्पन्न भएको छ। आगामी चैत्र ५ गते हुने स्ववियु विशेष बैठकले महत्त्वपूर्ण निर्णयहरू गरेको छ।
बैठकले आगामी स्ववियु निर्वाचनको तयारी गर्ने निर्णय गरेको छ, जसमा विगतमा निर्वाचन भएका क्याम्पस र पछि थपिएका क्याम्पसहरूमा जिम्मेवारीको बाँडफाँट गरिएको छ। मकवानपुरका स्ववियु हुने र हुन सक्ने क्याम्पसहरूमा संगठनका केन्द्रीय सदस्य र जिल्लाका पदाधिकारीहरू जाने निर्णय भएको छ।
बैठकलाई प्रशिक्षित गर्दै नेकपा केन्द्रीय सदस्य र मकवानपुरका इन्चार्ज सीले, विगतका निर्वाचित स्ववियुको कामकाजको समीक्षा गर्दै आगामी दिनमा स्ववियुले निभाउनुपर्ने भूमिका र विद्यार्थीको प्रतिनिधित्व गर्दै चुनावी जित निश्चित गर्न अखिल समाजवादी संगठनको सक्रियता महत्त्वपूर्ण हुने बताएका छन्।
उच्च शिक्षा हासिल गर्ने विद्यार्थीको घट्दो क्रम र वैदेशिक रोजगार तथा अध्ययनका लागि विदेशिने संख्या बढ्दै गइरहेको सन्दर्भमा, शैक्षिक कार्यक्रम बनाइ विद्यार्थी संगठन र स्ववियुले त्यसलाई लागू गर्नुपर्ने कुरा उनले उठाएका छन्।
त्यस्तै, नेकपाका केन्द्रीय सदस्य र जिल्ला सचिव पेमा सी र अखिल समाजवादीका केन्द्रीय सचिव अटल सीले पनि बैठकलाई प्रशिक्षित गर्दै स्ववियुको आगामी निर्वाचनमा जित सुनिश्चित गर्न शुभकामना दिएका छन्।
