हेटौँडा । बागमती प्रदेशको राजधानी हेटौँडा र संघीय राजधानी काठमाडौँ जोड्ने कान्तिलोकपथ सडकखण्डमा चार दिन बन्द हुने भएको छ ।
ललितपुर र मकवानपुरको सीमानामा बागमती खोलामा बेलीब्रिज निर्माण गर्नुपर्ने भएकोले बुधबारदेखि ४ दिनका लागि कान्तिलोकपथ बन्द रहने जिल्ला प्रशासन कार्यालय मकवानपुरले जनाएको छ ।
प्रशासनले सोमबार एक सूचना जारी गर्दै सो बारे जानकारी गराएको हो । सो अवधिमा हेटौँडाबाट काठमाडौँतर्फ जाने र काठमाडौँबाट हेटौँडातर्फ आउने सवारी साधनहरूले अन्य वैकल्पिक मार्ग त्रिभुवन राजपथ वा कुलेखानी–सिस्नेरी फर्पिङ सडक) को प्रयोग गर्नसमेत आग्रह गरिएको छ ।
प्रतिकृया दिनुहोस्
